URAK HARRIA BOLATZEN

        anonimoa , XVIII-XIX. mendeak

Urak harria bolatzen,

Urreak marra du doratzen,

Ni maite nauenarenganat joaiten,

Neure penak han erraiten,

Zertarainokoan dudan sufritzen

Gero harek bainu konsolatzen.

Ere maitea, orai nik

Nahi nuke jakin zureganik

Zerk zarabiltzan horrela tristaturik

Zure so eztiak oro galdurik,

Hala baduzun beldurkunderik,

Maite bat zoinak ez baitu parerik!

Balin banago tristerik,

Ez nagozu arrazoin gaberik,

Lurrean sartu nahi nuke bizirik,

Beraz, zerk eginen deraut plazerik,

Galduz geroztikan bistatik,

Maite bat zoinak ez baitu parerik!

Arrosa eder ostoa,

Lurraren barean du erroa;

Usaina goxo izanagatik,

Mudatzen da gaixoa,

Jendiek zer nahi erranagatik,

Nik beti dut zuretzat amodioa.