CHANSON EROTIQUE

        anonimoa , 1857

Guazin, lagun, guazin biok,

guazin Attissanerat.

Uso xuri bat jalgiten da

Attisaneko plazarat.

Usoño hura nahi nuke

bildu sareetarat.

Hegalak ditu arinak, eta

begi ere ernea,

eta bera, heiekila,

izpirituz betea.

Beldur nikek ez den erretx

harren atzemaitea.

Attisaneko plazan baduk

ihiztari abilik.

Bat edo bia jarreiki ziaskok

uso harri ondotik,

bainan ezin idoki ziotak

batere lumarik.

Xaflaxa beçain arina banintz

joaiteko airean,

usoño hura harrapa niro

airean edo lurrean,

edo bertzela sar nindake

harren usotegian.

Maiatzean zoin den eder

julufraia xuria!

Zeinbat aldiz erran zeraundan

usoño harrek egina

gabaz ungi zerratzen zela

harren usotegia.