ENE MUTILIK TTIPIENA

        anonimoa , XVIII-XIX. mendeak

Baditu zazpi urte

Uraren gainean girela

Sei urteren bitalla baizik

Gurekin eman dugula

Zazpigarrenean jan ditugu

Gatua eta xakurra.

Ene mutilik ttipiena,

Ene mutilik maitena,

Habil harat, habil hunat,

Mastañoaren puntalat,

Mastañoaren puntalat eta

Ageri denez leihorra.

Ene nagusi maitea,

Heldu naiz ongi tristerik,

Ez dut ikusten leihorrik,

Ez eta ere belarik,

Norbait jan behar baduzie,

Hil nezazie lehenik.

Ene mutilik ttipiena,

Hik emaiten deraut pena,

Habil harat, habil hunat,

Mastañoaren puntalat,

Mastañoaren puntalat eta

Ageri denez leihorra.

Ene nagusi maitea,

Heldu naiz alegerarik:

Ikusi ditut leihorra,

Angeletareko hiriak;

Zure arreba Mariena

Galerian josten ari da