ONGI ETORRI

        Juan Anjel Etxebarria , 1974

Kale-ertzean «Ongi-Etorri»

zarata bage, illun ta ixil.

Barrua euskal erara apain,

artean argi gorri bi zintzil.

Atzeko orman Euskalerriko

mapa zabalik, gure zugatza

lauki batean eta salmaian

ugazabandra ixil-maratza.

Ardao bat arren, eskabidea

egin dautsot, sar-berri nazala.

Itzik ez andrak eta kalera-

bidez nik «Ongi geldi» zabala.

© Juan Anjel Etxebarria