EZEREZARI LURRA EMAN ZION

        Juan Ramon Makuso , 2006

Ezerezari lurra eman zion

hirikoa ez den hiritarrak.

Hiriaren dolua ez da nahikoa

eregitako adiskidetasun antzuan.

Hegalik gabeko hegaldian lurreratzea

ametsen soslaia izaten da

ipuinaren amaieran.

Ezdeusak du atsekabe

neguko ilunabarrean.

Eta zubiek badituzte

poesiazko begiradak ibaiaren sorburuan.

Chillidaren burdina laudorioa da

itsas zeruaren zedarrian.

© Juan Ramon Makuso