AINTZINA

        Daniel Landart , 1968

Gaztetasunari buruz

Hire buruari kasu egiten hasten haiz.

Ixiltasun batzu senditzen dituk hire baitan:

Barrandan egon hadi...

Oihu goxo, oihu samin batzu bihotzetik:

Biziari oihu, libertateari oihu.

Aintzinerat tiratzen haute,

Hire indar berriek,

Irria ezpainetan, beldurra bihotzean.

Bainan ere gibelerat

Haur bat haizela aditzen dukalarik.

Pausa zak zangoa, fermuki,

Aintzinari buruz

Pausa zak gizonen artean,

Gizon langilen artean,

Gizon langilen artean

Zoinak lanean ari baitire egun guzian,

Izerdia kopetan, iguzki saminaren azpian

Lurrekotzat eta Zerukotzat.

Pausa zak, behar den lekuan,

Ederrari, garbiari, bakeari buruz,

Joan dadin beti Aintzina!

© Daniel Landart