KUNKUNAK PRINTZE EZ DIREN GARAI HAUETAN

        Javier Rojo Cobos , 1990

Kunkunak printze ez diren garai hauetan

errekek

ura eroateko bakarrik balio dute.

Hauen murmurioak ez dira honez gero

printzesa atxilotu baten negar hotsak

ezta mirailaren aurrean

gauza guztien irudiekin

orrazten den lamiaren kantua ere.

Haien uretan ez daude ehortzirik

hitz magikoak direla medio

sekretu guztiak gordetzen dituzten kutxak

behialako gudu batean hil zirenen arimak.

Garai argiak hauek!

Hala ere, batzutan

latsara hurbiltzen gara

soinu garbian agian

oihartzunen bat entzuteko esperantzarekin.

© Javier Rojo Cobos