BILUZIZKO SASOIRIK

        Martin Tejeria , 1980

biluzizko sasoirik

ezagutu ere gabe

apenas ginen gu

haur

eta haur ginenik ere

apenas genekien

zindotasunik ere ez zen

biluzizko mutil izatera

aillegatzen ez ginen garai berri

eta udaberri sutsu

hurbil haitan

denbora ere errondan

iraupen balantzan

gau eta egunen dantzan

ibili ondoren

eta harria hondarretan

aleturik

geratu zenerako

mutil jazkerak ziren

nolabait gizondu

eta narotu

orduan ere

ez genuen kasik

biluzizko gaitasunik ezagutu

bainan batazbesteko

pauso laburrak

eta hainbeste

jokabide egoki

eta desegokien ondotik

eskerrak

zalantza urratuenak ere

koloka zeudena

© Martin Tejeria