BESOAK HEGAN

        Iñaki Zabaleta , 1982

Kale zaharretako euripean

hiria gauez jantzi dutenean,

organilero entzungor baten soinuz

bi gazte doaz dantzan.

Autoen argi hotza, iheslari,

grinaren kolorea zabaldurik,

bi gazteen besoak zorionez

hegan hiri gainetik.

Jendeak

ez du entzuten soinua

jendeak

erotzat dauzka

gazte axolagabeok.

Euriak estali du lehia ustel

kaleek ekarri die soinu eder...

lau beso eta bi gazte.

Mundu zuhurrarentzat harrigarri da

zorionaren hegatze...

lau beso eta bi gazte.

© Iñaki Zabaleta