ZURE IZENA

        Migel Anjel Unanua , 1987

Zure izena, maite,

garrasia da

izarrez izar, oihartzun

nire kazkazurrean,

itsas beltza iragan

ahal izatearren

ontzia den

kazkazur honetan,

izan ez zinan haren

garrasi eta oihartzun!

Azken saio hau

azken keinu bat

da ilunean, azken

taupada bihotzean,

laztan, astiro,

heriotzaren ertzean

        berriro

xendera odoletan

        abantean

eskeintza bat, miresjaun

hilezkorrak ospatzen

diren aldaretan.

© Migel Anjel Unanua