EZ HARRI ETA EZ HERRI

        Patxi Salaberri , 2002

Ez harri eta ez herri, Gabriel,

dagoeneko euskal munduak ez du ezer zahar, ez du

ezer berri, salbu eta lukurarien hamaika interes zerri.

Sarri,

ez beti neurri,

bada gurean

makina bat hitz larri,

amets zelaiaren ongarri,

ezpainetara bezain sarri

lokamuts hilgarri

bilakatzen direnetakoak bakarrik.

EUSKAL HERRI! ABERRI! ATZARRI!...

zenbat eta zenbat ustezko lokarri,

hitz ustel, huts, apaingarri!

Ez euskal eta ez herri,

Gabriel,

baina, gainerakoan, bai, denetik larregi!

Itxaropena baino ez,

Gabriel,

itxaropenaren egarri!

Eta, betiere, bihotz-minaren dei...

gogoangarri?

okaztagarri?

© Patxi Salaberri