ITZALA ZAPALDUKO DIZUT

        Pello Lizarralde , 1978

Itzala zapalduko dizut

eguzkiaren ferekak

    zuhaitz enborretan lokartzean

    «gu ere

ederrak hartutakoak gara»

    beharbada azken

ozpin ttantta aterako zait

    bata grixa

arraiadunaren artetik, merienda

    botako dut

    gauean berriz ohean iadanik

katuak sartuko zaizkigu

emeki-emeki

    aste eguneko zapata ilunetan

© Pello Lizarralde