BIHOTZA EZIN DA EROSI
Joseba Gotzon , 2001
Joku ederraz liluratu ondoren
jokalariei ateak zabaldu zitzaizkien
betiko marrazoek fitxatzeko xedez
diru mordoa eskaini zieten.
Hoberenetarikoak ziren, sendo eta dotore
beren etorkizuna erabaki ahal izanez
selekzioari eutsi, indarrez,
Euskadiko enbaxadoreak legez.
Bihotza ezin da erosi
euskaldunek kalabazak emanik
erraldoiak geratu ziren
gure urrezko hanka gaberik.
© Joseba Gotzon