SUETENA

        Antonio Casado da Rocha , 2011

Badaude beti han egon diren gauzak,

katedral gotiko baten

espazio jaurtiketa bezalakoak.

Badaude jin eta joan egiten direnak,

txirristarik gabe airean

txirrista egiten duten enarak bezalakoak.

Badaude ere betirako ziruditen gauzak,

bat-batean desagertzen direnak

arrastorik utzi gabe

ez bada gure harridura

gure buruari galdetzen diogula

nola bizi izan gintezkeen

modu horretan.

© Antonio Casado da Rocha