Egile berarenak:
ZUMALAKARREGI
(1835)
MENDITIK NOLA DOA URA ITSASORAT
(1839)
MARINELAREN KONTRAPASA
(XIX. mendea)
BASA-KOPLARIARI
Jean Baptiste Kamusarri , XIX. mendea
Honat ene aintzinerat
O, koplari eskalduna!
Nik eramanen daroat
Kantatzeko umor' ona.
Boza makur tzar batekin,
Bertsu tzarragoko batzuk
Aire lele batzuekin
Kantatzen ohi dauzkiguk.
Ona dik, ona gogoa
Hire entzuten dagonak.
Ederra dik orroa
Kopla aldiz den tzarrenak.
Ez du kopla moldatzeko
Anitz entsegu eginen,
Astokeria bai asko,
Nahi baduzu erranen.
Buztana badauka behin,
Buruaz ez du kasurik:
Monstro bat dezan eragin
Ez du ez, axolarik!
Oi, sensu gabeko kopla!
Egileari didurik,
Badakigu ez duela
Koplariak ez sensurik.
Adi zazue kantatzen,
Boza morgan dardaratzen;
Ha'o ixilik koplaria!
Hausten dautak beharria.
Zer erran nahi deraukun
Ez dezakegu, ez, adi:
Xuxen, makur, ezker, eskun
Oi! Badarasa zer nahi.
Eginen dauzu zer nahi
Lokarria kausitzeko,
Burua ez denean ongi
Buztanari da lotuko.
Bazka ona ikustean,
Nola astoak irrintzina,
Hala arnoa dastatzean
Koplariak umor' ona.
Tripa arnoaren suaz
Duenean berotua,
Ergelkeria kantaz
Hausten dautzute burua.
Zerratu behar badire
Presondegian zoroak,
Zerra beraz, zerra ere
Basa-koplari eroak.
Ezin detzake arrima
Lau bertso txar elgarrekin,
Ez baditu, o lastima!
Lokarritzat lau hitz zikin.
Hik galtzen duk hire koplaz
Jakin ezak hire krima,
Jesu Kristoren odolaz
Erosia den arima.
Malurusa, hire koplaz
Bil-ustez zernahi fama,
Galtzen duk Kristok odolaz
Erosi hire arima.
Zenbat gure herrietan
Ez dire gastatzen hasi,
Gaizkia hire kopletan
Zeren baitute ikasi!
Ikara hadi, tristea!
Laster bahoa tonbarat,
Ikusak hire zortea!
Kantaz hoa ifernurat.
© Jean Baptiste Kamusarri
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |