Egile berarenak:
KONFINAMENDU MUGETAN
(2011)
EZKILAK
(2011)
NIRE OROITZAPENAK IDATZ DITZAKEZUE
(2011)
ARGI-ZUZIAREN ZELATA
(2011)
IRITZI ETA INPOSAKETARIK GABE
(2011)
TOLESTURAK BELARDIEKIN JOSITAKO EHUNETAN
Hasier Larretxea , 2011
Tolesturak belardiekin jositako ehunetan
manta eta zaku artean gurdiren batean ahantzitako
larruzko bortzegiaren mozkorkeria egun argitan
hustasuna bestearen jazarpen jarraituan,
non makarra minimalismoa den
bizkar gaineko begiradetan
gertakariaren uneko abstrakzio potererik
eta salbuespenik gabe. Bestearekiko obsesioa,
unearekiko, irteerarekiko, sekretuarekiko,
mututasuna,
lurraren morfologiaren landan bizitzea
zorne-jarioa denean, harrokeria erraustea.
Polena sutegia diren latitude arnastu
eta oxigenizatutako ahuntz-hostoetan
bulkada gortina atzealdeko begiraden ifrentzua denean.
Faringearen kakara eskotatua,
begiztarengatik, itxitako bragetarengatik,
ez koltxoi ez ohe-estalkirik gabeko ohantzeen
izpiritua iragarriz
susmo eta errugabetasuna ez denarengatik harropuzteagatik
igandeetako desfilez kezkatutako genealogien,
arauaren urratzea.
© Hasier Larretxea
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |