GURE ITSASOA

        Eli Agirre, Agarel , 1933

Ogoño harkaitz zuri ganetik

agur esaten dauskat nik

Euskadi itsaso gogor, hezkaitza;

neure agurroi har egik.

Heure sakonan jaukaguz orok

geure abaen hazurrak

heure alboan geure mendiok

geure aberri berua.

Heure ganean jaukagu geure

ortze iluna neguan

eta goiago hodei ganetan

jaukagu geure Jaungua.

Agur, Euskadi itsaso urdina!

Entzun egik ni-oihua,

jagon eikezak ni-abestiak

heure hondar eta barruan.

Heure itsuskian eroan egik

neure abesti samurra

geure asaba maite albora

itsaso nausi barrura.

© Eli Agirre, Agarel