A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

HUTSALAK MY LOVE
      (1978)

HAREA
      (1978)

TRIKUARENA
      (1990)

  literaturaren zubitegia  

 

HERDOILAREN TRISTEZIAREKIN BATERA

        Bernardo Atxaga , 1978

 

 

Herdoilaren tristeziarekin batera,

ziutate honen soinekoa udazkenetan lanbroa da;

eta bere sabaia laino baso bat,

non bizi den ilargiaren badaezpadako agonia.

Eta kalatxorien habi eskaleen sakelak,

eta sukalde proletarioaren argi urdinskak

murraila erraldoiaren begi gauero.

Zubi zaharrenetatik

ibaiari so berripaper saltzailea

hitz ezezagunen hiztegi bati bezala;

bus txofer batzu bozeolari hilaz mintzatzen,

apatridak bailiran trenak

memoria karrilen fatalitatean galduz;

denboraren oihal xinglea arratsezkoa soilik;

arrabita baldarren nostalgia kantoietan,

eta harantzago mozkorrak,

kalegarbitzailearen beilegi bizia,

beste zubi bat, prostitutak.

 

© Bernardo Atxaga    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko