ILE APAINTZAILEA
Benoit Dorbe , 1858
Urthe ainitz oraino ez dela
Eman zauzkigutzin koplak;
Edari goxo zale ginela
Emakume eskaldunak.
—Gana, kentzatzu
Asmu tzar horiek burutik;
Ez dugu gerla beharrik.
Irriz zabaldurik zinagozten.
Plaza guzia betea;
Gure berrien ongi aditzen
Kontentik zagon jendea.
—Gana, kentzatzu
Asmu tzar horiek burutik;
Ez dugu gerla beharrik.
Pello, zuk ere badaduzkatzu
Kopla zenbaiten bideak;
Orai aditu behar ditutzu
Guk bezain ongi zereak.
—Gana, kentzatzu
Asmu tzar horiek burutik;
Ez dugu gerla beharrik.
Igandetan, bazoaz, plazara
Nahi duzun arteraino;
Goizetik sartua ostaturat,
Han zaude arratseraino.
—Gana, kentzatzu
Asmu tzar horiek burutik;
Ez dugu gerla beharrik.
Eguna han daramazu aise
Zure moltsakuen gostuz;
Jan eta edan, ederki ase,
Atseginak ongi hartuz.
—Gana, kentzatzu
Asmu tzar horiek burutik;
Ez dugu gerla beharrik.
Mahain hartarik jaiki orduko
Paretaketan zabiltza;
Hark lagundurik atxikitzeko
Berdintsu zure balentza.
—Gana, kentzatzu
Asmu tzar horiek burutik;
Ez dugu gerla beharrik.
Ardura bazabiltz merkatutan,
Eta tratubide guti;
Etxeratzen zaizkit gauerditan;
Kasik hula zabiltz beti.
—Gana, khentzatzu
Asmu tzar horiek burutik;
Ez dugu gerla beharrik.
Berandu etortzen zinen batez
Gertatu den afera!
Ederki trunpatu zinen atez,
Ganik auzoko etxera.
—Gana, kentzatzu
Asmu tzar horiek burutik;
Ez dugu gerla beharrik.
Ene kalakak kexatzen zaitu?
Huntan beraz lana bego;
Oro nik erran behar banitu,
Zer ez nuke errateko?
—Gana, kentzatzu
Asmu tzar horiek burutik;
Ez dugu gerla beharrik.
© Benoit Dorbe
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |