Egile berarenak:
ZORIGAITZEZKO EUSKADI!
(1937)
HILA DA
(1940)
ZARRAPO...
(1940)
NUN HABIL ORAI?
(1946)
IXILIK JAUTSI ZINEN
(Gerlan hil anaiaren
gorputza herriratu)
(1948)
BANAKI...
(1957)
ITSAS-LAPUR
Iratzeder , 1940
Arbasoen kar beroak
Erretzen nau ta zoratzen
Itsasoa! Itsasoa!
Hire amets gaitz zoroak
Daut gogoan su ezartzen.
Nunbeit bizi itsas-lapur
Uhainetan zabal, nausi!
Itsasoa! Itsasoa!
Ez deusetaz izan beldur
Deus mugarik ez ikusi!
Larrua beltz, burua xut,
Tirain basak oro bentzun!
Itsasoa! Itsasoa!
Kantu, ttoro eta zurrut
Luze ibil eta urrun!
Ez jendetan alfer bizi
Heriotze hits baten goait!
Itsasoa! Itsasoa!
Garrait ehun etsai-untzi
Gazterik hil, bainan garrait!
Zainetako nere karra,
Sutan dautak joan gogoa.
Itsasoa! Itsasoa!
Zabal, zabal ta azkarra
Aipatzen duk Jaun Goikoa.
Itsas-lapur naiz eginen
Galernari gogor, nausi.
Itsasoa! Itsasoa!
Guzia su nitzaik jinen
Nahiz arimak ebatsi.
Apez jauntzi suharretan
Niri nausi, denen mutil,
Itsasoa! Itsasoa!
Nahi nuke uhainetan
Amodioz gazterik hil.
© Iratzeder
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |