A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

EZ DIOT HAIZEARI UTZIKO
      (1986)

DESAMOREA
      (1989)

ORDOXELAIKO BIDEAN
      (1995)

  literaturaren zubitegia  

 

KOPLA GALAIAK

        Joxe Austin Arrieta , 1982

 

 

Ilargiak du gandua

ikus izarren gorua

zu bezalako neskatsek dute

zorabiatzen burua

 

Mertxikak hezur gogorra

arin hegan istingorra

beltxaran: zure gerri zalua

nire sukar eta lorra

 

Umotu da okarana

dager mardul'ta otzana

zure bularrak nire ametsa

urrun katigu darama

 

Ederra udan hostoa

naharo dago basoa

zure sutean kixkal-xamurra

nire maitasun-lastoa

 

Erbia jauzika landan

zezena urduri langan

nahiago nuke, sorgin, ahal banu

zurekin jostatu galdan

 

Haritzak gogor ezpala

pagoak zabal itzala

gogo etsiaz dagizut neure

azken agur-diosala

 

Mendian zital bisutsa

oihan-bakardade hutsa

han nagoela nahi izaten dut

hiriko hotsa eta hautsa

 

Iturritik dator ura

elkitzea bai tristura

pausalekurik ezin ukana

bidaztiaren malura

 

Ederra elur-maluta

jantzi hauskor xuri du-ta

bizi naizeņo ez da galduko

nik zutaz dudan gomuta

 

© Joxe Austin Arrieta    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko