A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ADIBIDEZ
      (1983)

AUTOCOLLANT
      (1983)

DETAILEAK
      (1983)

ENE
      (1983)

B.4
(poema erotikoa)

      (2005)

GOIZEAN GOIZIK... (KANTUA)
      (2005)

ZATI
      (2005)

KANTUAN
      (2005)

  literaturaren zubitegia  

 

AUTOBIDEAN (AI) LANGARRA
(2. bertsioa)

        Joxean Muņoz , 2005

 

 

Zoru bustian harramazka

biltegi abandonatuen

sasi arteko eztanda mutuak

garamatza

bizkorregi

nora ez dakit,

ez dut begirik

ez bada zure adatsaren arrats beltzerako.

 

Ekaitza ere zuri buruz

ari da mehatxu

beltzean: senboraren hondamenari,

etxalde aurkirik gabeen, baratz

kutsatuen, mendiaren orlegi ohiaren

eta garamatzan auto honen

beraren eza-

batu beharrari,

trumoiek egindako sehaska kanta

dirudi.

 

Bidearen eztarri beltzean

barrena goaz

esanahirik gabeko hitzak

asmatzen, hitz

hutsalak

tentuz

bazpare.

Mututurik.

Oinaze egoskorren lubakietatik

mugitu ezinik.

 

Atzera egin ezinak nauka geldirik.

Zure amodioaren lurrun

urrunak menpeko

harturik.

 

Zigarro bana piztu

dugu. Etena e

karri du tunelak

berriro,

begira:

(orain,

    ilunean

          haztamuka)

entzun:

zure zigarroaren keak nauka lotuta

zure ispiluen ifrentzu

itsua naiz.

Erre

egin zait zigarroa atzaparretan.

Nahiago erre hori.

Nago.

Nigana ez begiratzeko atera dituzun aitzakiei kontu

egiten. Ile zorabiatuak

bere onera ekartzeko keinuak

zelatatzen:

(itzulpenak nireak dira):

                Aurrelari ditut zure atzak;

                  Jarrai nakien iradokitzen dute.

Baina ez ditut jada iluneko itzulpenak sinisten.

Zigarrokin piztuen errea daukat sabelean.

Antzinako oinazeak zuri begira jarriak,

aiduru

zoru bustian labainka

mutu, itsu

eta zoratzen,

eztandaz loratutako lilura posibleen presak

zugana

nara

mala.

 

© Joxean Muņoz    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko