A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

POTAREN GALDATZEA
      (1545)

EMAZTEN FABORE
      (1545)

MOSEN BERNAT ETXEPAREREN KANTUIA
      (1545)

  literaturaren zubitegia  

 

KONTRAPAS

        Bernat Etxepare , 1545

 

 

        Euskara,

        jalgi hadi kanpora!

 

Garaziko herria

benedika dadila,

euskarari eman dio

behar duien tornuia.

 

        Euskara,

        jalgi hadi plazara!

 

Bertze jendek uste zuten

ezin eskriba zaiteien;

orai dute forogatu

enganatu zirela.

 

        Euskara,

        jalgi hadi mundura!

 

Lengoajetan ohi hintzan

estimatze gutitan;

orai aldiz hik behar duk

ohorea orotan.

 

        Euskara,

        habil mundu guzira!

 

Bertzeak oro izan dira

bere goien gradora;

orai hura iganen da

bertze ororen gainera.

 

        Euskara!

 

Baskoak orok preziatzen,

euskara ez jakin arren,

orok ikasiren dute

orai zer den euskara.

 

        Euskara!

 

Oraidano egon bahiz

inprimitu bagerik,

hi engoitik ebiliren

mundu guzietarik.

 

        Euskara!

 

Ezein ere lengoajerik

ez franzesa ez berzerik

orai ez da erideiten

euskararen parerik.

 

        Heuskara,

        jalgi hadi dantzara!

 

© Bernat Etxepare    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko