A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

  literaturaren zubitegia  

 

ZUEK, HIRI MAITEOK

        Xabier Lete , 2008

 

 

Zuek, hiri maiteok,

goiznabar asaldatuan

idazten dizkidazue

lilurazko lerroz

ekialderuntzko bidaiaren nostalgiak.

 

Zuek esnatzen dizkidazue

oroitzapenen errautsetan

estalian gori dirauten

antsia ase ezinak.

 

Olibondoz apainduriko

muino leunen irudi zilarreztatuak

dakarzkidazue,

baratze lokartu geldietan

usainen paradisuak zeudenekoak.

 

Iratzartzen nauzue

ohiko makurtasunaren gaurik beltzenean

eta erromes urduriaren antzera

leihora irtenarazten

astro jainko urrunekoei galdegitera

nork debekatu zizkidan

behin antsiatu nituen

urruneko hiri maiteak.

 

© Xabier Lete    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko