FILIPE HANDIAREN HERIOTZEAN
anonimoa , 1666
Hemen, lur guti honetan,
Dago Erregea sarturik,
Baina ez mundu guztian
Haren fama estalirik.
Dagien negar gizonak
Filiperen heriotzean;
Haren obrak dirade onak
Itsasoan ta lurrean.
Urtu beitez bihotzak
Negarrez faltagatik,
Eta gure begiak
Beude iturriak eginik.
Hauts, Erregue, bihurtu zara,
Sustentaria zeruen:
Nora (ai nizaz!) joanen gara?
Zeruak daude erortzen.
O Nafarroa leala!
Orai behar du akabatu:
Honekin bizi izan da,
Honekin ere hil behar du.
Ilunbetan dago hemen
Orai mundu guztia,
Zegatik ilundu den
Haren iguzki handia.
O Kometa, gizonen
Lotsazale bortitza!
Joan aitzinan Turkoaren
Buru kruela kentzera!
Feliperi zertako,
Bihotz amoltsu zuenak,
Bertzek baino gehiago
Bizi merezi zuenak?
Dolore handi eta damu
Daukana bihotzian,
Nafarroak ezarri du
Erregearen hobian.
Felipek mundua utzi du;
Zeruan dago. Berezat
Urte anitz bizi izan du,
Baina guti gurezat.
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |