TREN BELTZA

        Luis Mari Mujika , 1997

Tren beltza bide luzean bezala

—Gaztela handiko sorotan antzo—

etsipena hazten zaida zabala

linea bihurtuz samin-arazo.

Arimaren barne eta azala

(sentimenik ez al nuen, akaso?)

gertatu zait berriz lehia ahula

ezina baizik ez baituda jaso.

Norantza noake biderik gabe

kezken mendetik oraindik ez libro,

hainbesterako ezbeharren jabe?

Bai, ondoan zaitut krudel herio

bultzarazten gogor etsipen-katez,

isuriz niregan sofrikario...

© Luis Mari Mujika