ABCDEFGHIJKLMNOPRSTUVZ


armiarma

 

Egile berarenak:

 

BORTZ ITURRI
      (1969)

XORIERI MINTZO ZEN
      (XX. mendea)

URTZEN AHAL DA
      (XX. mendea)

 

 


Hasierako orrialdera

 

 

PRIMADERAKO LILIAK

        Mixel Labeguerie , 1963

 

 

Primaderako liliak goizik ziren loratuak.

Urte hartan gertatu zen

Pazko erramu baino lehen.

 

Gaituzte ezkontarazi, maite ninduzun hain guti.

Ezkontarazi gaituzte

ez zintudalarik maite.

 

Ginuelarik elgarri eman biziko uztarri

ezkilak zeuden isilik

nik ez baitakit zergatik.

 

Gaituzte ezkontarazi, maite ninduzun hain guti.

Ezkontarazi gaituzte

ez zintudalarik maite.

 

Ez zuten egin boleran, menturaz ziren Erroman

ez ziren gure lekuko

ez izanen bataioko.

 

Gaituzte ezkontarazi, maite ninduzun hain guti.

Ezkontarazi gaituzte

ez zintudalarik maite.

 

Nonbait balinbada zeru, gure haurra da aingeru

aingeru zeruan bainan

umerik ez ohantzean.

 

Gaituzte ezkontarazi, maite ninduzun hain guti.

Ezkontarazi gaituzte

ez zintudalarik maite.

 

Bihotza hotzez kaskaran nago beroaren menturan.

Etor bedi primadera

kanpoak diten berriz lora.

 

Gaituzte ezkontarazi, elgarregin behar bizi.

Ezkontarazi gaituzte

behar dugu elkar maite.

 

© Mixel Labeguerie    

anonimoak

 

mendeak
15
16
17
18
19
20
21

 

poemen
aurkibide
alfabetikoa