ABCDEFGHIJKLMNOPRSTUVZ


armiarma

 

Egile berarenak:

 

IBAR EZKERRA
      (1984)

ITSASTXORIEN BINDIKAPENA
      (1984)

AUTOBIOGRAFIA
      (1987)

ZUEN AHOTS ISILA
      (1988)

OKARANA
      (2010)

BILBAO MARITIME MUSEUM (2)
      (2010)

DENA DA HARAGIA
      (2010)

HATOR ENE ALBORA
      (2010)

USAINAK
      (2010)

  literaturaren zubitegia  

 

 


Hasierako orrialdera

 

 

SABAKO ERREGINA

        Omar Nabarro , 2010

 

 

Behatz azalak more, oinak agirian,

orkatiletan perlak, soin luzean praka

zuri harizkoak eta likrazko jaka,

Sabako erregina autobusaren zain.

 

Ilea leporaino luze, farfailak gingiletan,

mp3a edo 4a belarrietan joka

dance, house, reggae, indie, ala chill-outa?

Sabako erregina lanera bidean.

 

Apaletan aukeran prezio merkean

espezieak, tea, perfume usainak;

doan haren irriak, zein eder ezpainak,

Sabako erregina super merkatuan.

 

Kutxako ilaran ni, eta beste aldean

bera, uniformean izena ageri da,

oker ez banago, Anny G. Makeda:

Sabako erregina, kajera lanean.

 

Beste esklabo bat ba, esklabo katean,

begiz laztantzen dut goizean bezala

eguna amaituta berriz dagoela

Sabako erregina, autobusaren zain.

 

 

© Omar Nabarro    

anonimoak

 

mendeak
15
16
17
18
19
20
21

 

poemen
aurkibide
alfabetikoa