ABCDEFGHIJKLMNOPRSTUVZ


armiarma

 

Egile berarenak:

 

IBAR EZKERRA
      (1984)

ITSASTXORIEN BINDIKAPENA
      (1984)

AUTOBIOGRAFIA
      (1987)

ZUEN AHOTS ISILA
      (1988)

OKARANA
      (2010)

SABAKO ERREGINA
      (2010)

BILBAO MARITIME MUSEUM (2)
      (2010)

DENA DA HARAGIA
      (2010)

HATOR ENE ALBORA
      (2010)

  literaturaren zubitegia  

 

 


Hasierako orrialdera

 

 

USAINAK

        Omar Nabarro , 2010

 

 

Gomuten bidea dira usainak, ama.

Aholan jatortaz amumarenak

soloan barrena zintz eta zintz;

kresalaren altzoan barriz

dantzan dabilz umetako olgetenak datoz.

 

Orduan ez nekiana

hil egingo zirana

amuma eta umea.

 

Usainak, ama, gomuten bidea dira.

Aholan jatortaz portuko eguzkitan

arrain fabrikea, gasolinea, osabea

eta katu kaleko gernuetan igartea

mundua misterio zala artetan.

 

Orduan ez nekiana

fabrikea itxiko ebena

hil egingo zinana

 

Ama, usainak, gomuten bidea dira.

Aholan jatortaz erropak eskeikeran

neure eskuetan orduko zeureak;

beti edo ia beti lixibearena

behin edo behin amodioaren isuriena.

 

Orduan ez nekiana

eskuetako usainatoko batzuk

aittaren haziarenak zureakaz batera zirana.

 

Ama, gomuten bidea dira usainak.

Aholan ba ezin dot plantxan egin

lurrunak zure akordua ekarri barik;

negarra etorten jat lixibea usaindueran

eta amodioaren ostean be batzutan, ama.

 

© Omar Nabarro    

anonimoak

 

mendeak
15
16
17
18
19
20
21

 

poemen
aurkibide
alfabetikoa