ABCDEFGHIJKLMNOPRSTUVZ


armiarma

 

Egile berarenak:

 

BERDIN DA MENDEBALDEA ETA EKIALDEA
      (1984)

DENBORA NOSTALGIA EGITEN DA
      (1984)

DANUBIO, DONAU
      (1984)

ERORIKO DA ZOHARGIA SOSTENGATZEN DUENA
      (1984)

GENESIS
      (1986)

ESKRIBITZEKO OFIZIOA
      (1986)

REDAKZIOAN
      (1986)

BARATZAZAIN
      (1997)

AUSCHWITZ
      (1997)

BORROKA
      (1997)

ERANTZUNAK
      (1997)

DENA DA BIZITZAN HEGALDI
      (2004)

DENA DAGO AURPEGIAN
      (2004)

EZINEZKOA DA AHANZTEA
      (2004)

  literaturaren zubitegia  

 

 


Hasierako orrialdera

 

 

TRISTEZIAREN TEORIA

        Felipe Juaristi , 1986

 

 

Pisua da arbolen loa,
idien ildoa sakona den bezala.
Isilpeko lapurra, guraizez horniturik
arintzen diot loa,
mozten dut anemona bat
eta nire poltsikoak ametsez aberasten dira.
Dardarez dira ezkien sustraiak,
eta gaua irekitzen da
heroi bentzituen zainak bezala.

Zuria da parkeetako bakardadea.

Hiriaren denda ostean
desioen estraperloa,
pasioen sal-erosketa eta
adur gutxiko deabruak
erabilitako arimaren bat errentan.

Nire bihotza ilargi-olatuetan
bertan behera utzitako eguzki-lorea da,
elurraren parean.

Hiriak ateak irekitzen ditu
eta bere laberintoetan melankolia zabaltzen da,
smog-lainoa balitz bezala.

Zumezko otarretan itxita dago isiltasuna.

Nire gorputza?
Zure bularretako lilien artean aurkitu nahi nuke.
Zure begien zukunean.

Loretu, zure haranean.

 

© Felipe Juaristi    

anonimoak

 

mendeak
15
16
17
18
19
20
21

 

poemen
aurkibide
alfabetikoa