ABCDEFGHIJKLMNOPRSTUVZ


armiarma

 

Egile berarenak:

 

SEX-40
      (2000)

5-SEXKUPEKOA
      (2000)

EZ DA IRAGANMINA, LAGUNOK
      (2004)

AHOTS EPELAREN BILA
      (2004)

60 URTEKO GAUA
      (2011)

ERLETXETA FUCKTORY
      (2011)

LITTLE ARRATIA KLUBEAN
      (2011)

MAGGIE BERRIRO
      (2011)

  literaturaren zubitegia  

 

 


Hasierako orrialdera

 

 

LAZUNEN POZA

        Paddy Rekalde , 2011

 

 

Korronteek ekarritako dortoka ilun bat
edo portuko ur koipetsuetan katea apurtu eta

itsasadarrean gora errari doan buia izan liteke,

baita portutik uretara jausitako fardel bat ere,

edo Guggenheimek itsasadarrean jarritako artelan bat,

modernoa, nonbait, edo postmodernoa, nahi baduzue;

ur gainean dagoen jostailua ere izan litekeela

pentsa dezake jendeak, barandatik begira

 

argazki kamerak zein telefono mugikorretakoak

di-da batean jarriko lirateke lanean

 

salbamendurako zodiaka hurbiltzean

lazun saldo bat ikusiko dute haren inguruan,

saltoka eta itzulinguruka, marrazo txikiak bezala,

eta kako luze batez ontzira gerturatzean

ninirik gabeko begizuloak topatuko dituzte,

musu desitxuratua, ezpainak eta mihia janda

 

giza gorpu beratua

lazunen bazka

 

handik bost minutura, zodiaka oraindik desagertu barik,

surf taula baten gainean marka ospetsu baten iragarkiak

argazki kamera guztiak bereganatu ditu, ezin agudoago

 

lazunen poztasun berberaz

 

© Paddy Rekalde    

anonimoak

 

mendeak
15
16
17
18
19
20
21

 

poemen
aurkibide
alfabetikoa