ABCDEFGHIJKLMNOPRSTUVZ


armiarma

 

Egile berarenak:

 

BASO GALDUEN ARTEAN
      (1961)

T'EURIA
      (1961)

BEGIAN JAIO ZAN
      (1961)

ZORIONTSU NAZAN ITAUNDU DEUSTAZU
      (1961)

KEZKATZEN BAINAU
      (1974)

ARTASOKO HIRUGARREN SALMUA
      (1974)

BAINA EZIN KANTA
      (1974)

MADRILGO LAGUNAK
      (1977)

ORAIN ARTE BANAIZ
      (1989)

  literaturaren zubitegia  

 

 


Hasierako orrialdera

 

 

NIRE ISILTASUN HAU

        Bitoriano Gandiaga , 1985

 

 

Nere isiltasun hau

hitzetan jarriko dut.

 

Ebakita dago

nire isiltasun hau,

odoletan dago.

Hitzen beldurra du

isiltasun honek

Haragi bizitan

uluka bizi dudan

isiltasun honek

hitzen ukituei

beldur latza die.

Baina neri pena

demait isiltasun hau

bertan behera hil dadin,

gorputz gabe, inork

ezagutzeke ta

inoren laguntzarik

inoiz hartu gabe.

 

Nire isiltasunak

zazpi giltza ditu,

zazpiak giltza handi.

Nire isiltasunak

munduko dolorea

dolore bizi du

erremediorik

ez duen dolorezko

dolore mortala.

 

Nire isiltasunak

ezin konponduzko

harreman gaiztoen

ezinbestea bizi du

inolako arreglu-

-biderik bistan ez duen

errealitate inutil

ezin konponduzko.

 

Lotsa bizi du nire

isiltasun honek

gertatzen ari den

ezbehar ororen

gaizkide nolabaiteko

naizela bait daki,

norberaren bekatu

ezin-ukatua,

ager nahi ez lukeen

aurpegian duela.

 

              Itxura batean ezer

              egin ezina du

              isiltasun honek

              ihardun alferriko.

 

© Bitoriano Gandiaga    

anonimoak

 

mendeak
15
16
17
18
19
20
21

 

poemen
aurkibide
alfabetikoa