ABCDEFGHIJKLMNOPRSTUVZ


armiarma

 

Egile berarenak:

 

LEHENGO UNE OROIGARRIAK BURURA DATOZKIT
      (1975)

BELDURRA GURE HEZURRETAN
      (1976)

NERAU ERE
      (1978)

 

 


Hasierako orrialdera

 

 

HURBILTZE GUTIZIATSUA

        Gotzon Aleman , 1978

 

 

Egunsenti bakoitzak zekarkidan

zoriontasunarenganako hurbiltze gutiziatsua

berbizi nahi dut.

 

Eta sobran zaudete!

esaten baitidazue

iragana iragana dela.

 

Lehenean nahi dut iraun,

lehena oraina eginez,

oraina atzera iraulduz...

 

Haraino eraman nahi haut,

edo,

handik,

karriketan zehar nabilela,

elkarrekin zapaldutako espaloi guztietatik,

 

elkarrekin egondako taberna orotatik,

elkarri atxikituta, markatuta, ditugu egun haietatik

elkarri itsatsirik azpimarkatu zaizkigun orduetatik,

handik,

hauetik irtetzean, bakarrik zenbatzen ditudan

neure urrats isiletara.

 

Ez dinat errealitate hau onartu nahi!

Ez ote dezaket,

ia erreala izan zena,

eskuan daramatzadan paperen artean

betirako finka?

Zergatik dagidazue uko?

Utz!

Ahantz

nazazue!

 

© Gotzon Aleman    

anonimoak

 

mendeak
15
16
17
18
19
20
21

 

poemen
aurkibide
alfabetikoa