DENA JOKATU NAHIRIK

        Juan San Martin , 1964

Hirekin kideko nauk izanen auzian,

hirekin biziaren jardun mingotsian,

t'aingeru mundutarren hega-nahi minian,

hala, munduko oinaze itsuen zaurian.

Min batek lotzen gaituk elkarren bidian,

geralako indarrez Bera beharrian.

Hondamendira gaituk zalantza batian

etorkizuna dela lezaren beltzian.

Gora arituz kantuaz mundu isilian,

urratzea oparik mutu den ortzian.

Nahiz uko itxaropena erantzun larrian.

Dena jokatu nahirik, gogozko argian,

edo itoko gaitun suzko osinian,

edo hobea ez den ezer-ez hutsian.

© Juan San Martin