ABCDEFGHIJKLMNOPRSTUVZ


armiarma

 

Egile berarenak:

 

ESPRESIO PERFETA
      (1987)

ALEXANDRIAKO AGUREA
      (1987)

LEPOA ETA EZPATA
      (1992)

  literaturaren zubitegia  

 

 


Hasierako orrialdera

 

 

SUSTRAIRIK EZ DUEN ARIMA

        Luis Berrizbeitia , 1992

 

 

Sustrairik ez duen arima

da nola urik ez duen iturria

edo maitalerik ez duen ohea

edo odolik edan ez duen ezpata

edo itsasorik igaro ez duen ontzia

sustrairik ez duen arima

da nola erlerik ez duen kofoina

edo fruiturik ez dakarren arbola

edo negarrik ixuri ez duen begia

edo ezpainik ezagutu ez duen ezpaina

zeren sustrairik ez duen arima luma bezala baita

berotzen zuen gorputzetik bortxaz edo halabeharrez bereizia

eta ezdeustako eza, haizearen menpe erratzera,

bazter guztiak kurritzera, ordean inon ez baratzera

kondenatua, nostalgiaz eta geldi-minez

doloruski higatzera

behartua.

Sustrairik ez duen arima

da arimarik dohakabeena

libroena.

 

© Luis Berrizbeitia    

anonimoak

 

mendeak
15
16
17
18
19
20
21

 

poemen
aurkibide
alfabetikoa