ABCDEFGHIJKLMNOPRSTUVZ


armiarma

 

Egile berarenak:

 

EUSKAL HERRITIK APARTE
      (1970)

BERTSO BERRIAK HORMA ZAHARREI JARRIAK
      (1972)

BERTSOLARITZA
      (1977)

  literaturaren zubitegia  

 

 


Hasierako orrialdera

 

 

ZUHAITZ-MINAK

        Xabier Amuriza , 1977

 

 

Bada gurean zuhaitz bat

bir-aitonak sartua

aitonak inausia

aitaren denboran tantaitua.

Ni jaiotzean

harexen orpoan ehortzi zuten

amaren umontzia.

Oinez ikastean

harexen adarretik aurkitu nuen

osabaren gorpua zintzilik.

Zuhaitzetik gatozela egia bada

modurik onena hautatu zuen

Jesukristo arteko tentelek

on-txarretan berezten

geroztikoek bedeinkaizen

zituzten zuhaitzak

zuhaitzari zuhaitz izatea

aski ez balitzaio bezala.

Hazi bat irentsi dut

zuhaitz jaio ez nintzenez gero

zuhaitz bat erne dakidan.

Erneko da bai

erneko naiz

nire gibelak damaio onura

landaratuko da bai

landaratuko naiz

nire bihotzak damaio

biziaren ritmoa

hor ditu hesteak simaurtzat

zertarako behar dut barruan

honenbesteko sokateria?

 

Sudurrak eta belarriak

zulo zaharrak eta berriak

kimatuko zaizkit

kimatuko naiz

eta laster aitak

bir-aitonaren zuhaitzaren

ondoan sartuko nau.

Ez duket txori bila joaterik

berak etorriko baitzaizkit.

Ari da bat

ari zait bat

habiagintzan

ziletik iparrerantz

doakidan adarrean.

To, ez dezakek harrapa

ez hadi traidore izan.

Soldadutzara bidean

zuhaizpe batean

galtzak jatsi beharra

etorri zitzaidan

gizon guztiek egiten dakiten

gauza on bakarra egiteko.

Ez dago ira freskoa bezalakorik

eta banihardukan

hesteekin burrukan

eta bi pauso alboraturik

begira nengoela

kokoriko oraindik

multzo lurruntsuari

amilotx lotsagabeak zeraman

desepeltzeko astirik emari galbe

bazeraman eraman zuen

nire erraietako hazia

nire afanetako zuhaitza.

 

Ilusioa da gizonak

dadukanik onena

ez balitz bukatuko

hain ganoragabeki.

 

Bir-aitonak sarturiko zuhaitza

aitonak inausia

aitaren denboran tantaitua.

Ez al duk tximist

gizonetan nor jorik

zuhaitzei geldi utzirik?

Ez dago gizonarentzat emakume gerririk

zuhaitzarena bezalakorik

Ez dago emakumearentzat...

berek esan bezate hori.

Ahaidetasun gehiago

dama

jaiotzeak arbola

beraren azpian

ama

berarengandik baino.

Eta bedeinkatu zuten zuhaitza

adora dezagun haritza

zuhaitzari aski ez balitzaio bezala

zuhaitz izatea

eta lagun

eta anaia

baina ez babes.

 

Zuahitzaren gerizpera

duen herriak joera

ezar aizkora

zorrotz orpora

eta segi aurrera

zuhaitzetik zuhaitzera.

 

© Xabier Amuriza    

anonimoak

 

mendeak
15
16
17
18
19
20
21

 

poemen
aurkibide
alfabetikoa