BADATOR BETE-BETE

        Karmele Igartua , 2011

Badator bete-bete

beste bapore bat                 —honaino—

airean bozina baten ulua

iragartzen badatorrela        —harro—

      —egur ilun barnizatuak

      oihal zuri-zuriak

      puntila finak

      irribarreak

      eta eguzkia—

              Hustu dute

              bapore hau ere

eta egindako bideetan

arrastoa utzi duelakoan

abiatu da barruetara            —isilik—

      eta arrastorik ez, itzultzeko

                                  —kaioak aieneka—

© Karmele Igartua