MAKALA GURE ESPERANTZA

        Jose Luis Padron , 1999

Bularrak argi gutxi ematen du.

Mapamundiak animaren tankera.

Nora joan ez dakit.

Hutsari begira,

ikuskizun bati bezala.

Feria bateko tiro barraketako

panpinak,

gizonak eta gizonak

erortzen dira.

Maitasuna, argi eta bulka,

danentzakoa dala.

Orduak egiten ditut zure bihotzean

eskuak eta oinak garbitzen.

Gaua holakoetan ohi duen bezala.

Ortzean izar argiaren galdemin bizia.

Ez dakit nola, baina hitz bat pizten zait

ezpaineko mami-mamian:

aurrera.

© Jose Luis Padron