ZAURIAN BARNA

        Jakes Ahamendaburu , 1988

Zeinek ongi dakike gu nor ote garen?

NOR izoztuen hotsa soil-soilik da urtzen

ni bezalako bazenik bazenekiten?

geroztik omen dira sagarrak umatzen...

Alta... molekulen burbuila jostakinak

ditut neure barruan lauhazka sentitzen

zelula kiskalien firuri zoroak

uxatu egin guraz iratxoak deitzen...

Alta... gaur neure hizkuntzaren jarioan

dakuskit geure haritz errearen suak

neure herritasunaren goi baratzean

dantzuzkit geure pertsularien otoitzak...

Sabel gorri batzu besterik ez ginela

ziotsan oi gaixo Emeri Piko zenak

orain baletor, lekuske beti gaudela

larre iratzea bezain iragangaitzak...

© Jakes Ahamendaburu