BERRIRO DATOZKIGU

        Jakes Ahamendaburu , 1990

Berriro datozkigu

igande aratsalde bakartiak

Hirurak paseak dira

Leiho gortinen atzetik

behako bihurriek

kalearen hutsa miatzen

Frontoian larruzko pilotaren

dangada lantzinantea

Autobus bat ailegatu da

espaloi gainean dabiltzan hormatxoriak uxatuz

Semaforoaren keinu konsagratua

dontzeilen joan etorri interesatua

Taberna kalapitariak jendez gainezka

Haiek han eta neu

egutegiko astelehenak borratzen jarraituz...

© Jakes Ahamendaburu