UDABERRIAK ERAMAN NAHI ZIDAN

        Xabier Lete , 1968

Udaberriak

eraman nahi zidan

udaberriak

ekarritako maitasuna

                      Lehenago loreak

                      eskeini zizkidan

                      ardaskak

                      orain arantzak

                      eskeini dizkit.

Haize krudel batek

erantsi digu

bihotzean atzaparra

eta txori batek

oso trixte kantatu du

kopla zaharra

                        "oh!

                        jantzi txuri berria

                        bideko hauts zakarrak

                        bortxaz estalia

                        bortxaz estalia..."

Txori eroa

adur txarreko txoria,

zoaz eta utz nazazu pakean

nere oinazearen barnean.

Ez dut makurtuko burua.

Indarrez erosiko dut

gazte izateko eskubidea.

                        Bekizkit izarrak lagun

                        gaur gauez

                        nere maitearen bakardadea

                        betetzeko...

Udaberriak

eraman nahi zidan

udaberriak

ekarritako maitasuna

© Xabier Lete