ARRATS-APALEAN

        Jaime Kerexeta , 1959

Arrats-apalean, udazken-bakean,

alai, bizkor, argi, txistua zelaian:

izango ete-da «Arin-arin»

neska-mutillen eresi-min?

Ez dakit. Biotzak baiezkoa diñost;

aize-otsak bere, poz-baietza damost.

Utsik egin daike biotzak?

Ezetzean nago... Amesak!

Ta bizkar goren au eguzkitan dago;

oroi dagit nitzaz: geisoik ete-nago?

Au jakiñik, ez dot negarrik:

Goi-bidea dakust zabalik!

Gure maitasuna daukagu geisorikl!

—zer da maitasuna gogo-bake barik?—

Berak dakarsku zoriona,

bera baita goi-ondasuna!

© Jaime Kerexeta