ITXAROPENA

        Martin Iturbe , 1973

Argia erantzi du egunak,

illunez jantzi da gaua.

Illargiaren agintea...

ez da eguzkirik...

Nagusirik ez-ean

morroitxoak

ari dire

argi-lanean.

Txikiak dire, ta,

asko diren arren,

argi gutxi dariote

begi ikuslearentzat...

Illuna da gaua;

bera bakarrik, ordea,

argiaren atari.

Argiz lertuko da gaua

«egun» dedinean.

Egin oju,

deiadar egin

etsiaren mirabeei!!

«Ez da illunpe osorik,

argia datorke nagusi»!!

Agortu bedi malko-iturria,

lasaitu biotz larria!

Pakea da

burrukaren Erregiña,

atsedena

nekearen gaillurra.

Pozak

negarra bait-du atari,

egunak, gaua.

Sari-aleak

lana du lore...

Gauaren maiztarrak

eguna dezake jabe.

© Martin Iturbe