NERE AMAK BALEKI

        Jose Maria Iparragirre , 1855

Zibilak esan naute biziro egoki,

Tolosan behar dela gauza erabaki.

Giltzapean sartu naute poliki-poliki,

negar egingo luke nere amak baleki.

Jesus tribunalean zutenean sartu

ez zion Pilatosek kulparik bilatu.

Neri ere aurkitu ez, ez didate barkatu;

zergatik ez dituzte eskuak garbitu?

Kartzelatik atera fiskalen etxera

abisatu zidaten joateko berehala.

Ez etortzeko gehiago probintzia honetara,

orduan hartu nuen Santander aldera.

© Jose Maria Iparragirre