HUTSUNETAN

        Felix Zubiaga , 1986

Ez da dana izar espazioan

ez eta lore larrean,

lore arte diren hutsune ilunak

ornidu begiz bedarrak.

Zu argi ta ni argi

—artean dago iluna?

bion argiak bat ez dagien

ilunak dagin burruka!

Bion arteko iluna zer den

argia beste gurea!

«Zu hor ta ni hemen kontu»

egina dogu legea:

bat izan baino lehenago dogu

maite independentzia,

besteen sarradak ez gaizan hartu

bildurrak daukan hesia.

EGUZKI,

zu bero, ni oskil,

Eguzki,

ni negu, zu ekain.

© Felix Zubiaga