A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

INURRI GOSEA
      (2006)

AZAZKALAK
      (2006)

EZ DAUKAT
      (2006)

  literaturaren zubitegia  

 

ARRAINAK

        Leire Bilbao , 2006

 

 

Zure esku ahurreko errekan

igerian aritu nintzen behin,

zure esku ahurreko arrainak bezala ur azalean

lotan zeundela izan zen.

Amu galderekin harrapatu nahi izan nituen

erreka azaleko arrainok,

itaun egin nien zure marinel garaiez,

baina ez zidaten ezkata laztanik egin nahi izan,

ihes egin zidaten zure kresal begiek bezala.

Zure esku ahurreko urpean

birikak estutu zitzaizkidanean baino

ez nintzen konturatu

meandro gehiegi dauzkala egiak

itsasoa deritzon ohe kulunkari horretara

ailegatu aurretik.

 

© Leire Bilbao    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko