MAMU BAT DARABILT

        Karlos Linazasoro , 2010

Mamu bat darabilt

aldean eta jarraika.

Uste dut neroni naizela,

alegia nire itzalaren zuritasuna,

hala esan ahal baneza.

Eta ez dit bakerik ematen,

beti atzetik edo alderoka,

eta barregarri uzten nau zure aurrean,

maite zaitut, pottola esaten dizu-eta,

ez nik, neronen mamuak baizik,

eta zein lotsa gutxirekin!

Eta gero errieta eman behar izaten diot,

porta hadi gizon, itzal!, eta horrela,

beti iskanbila batean,

berak nik baino gehiago maite zaituela

esaten didalako, itzalpetik,

hain errespeto gutxirekin eta hain itsusi.

© Karlos Linazasoro