Egile berarenak:
UNADURA
(2011)
SHOPENHAUERREN TRISTURATIK
(2011)
ESKLABUAK
(2011)
HISTORIAREN POZOINAK
Mikel Alberdi , 2011
orri batzuk ditut aurrean
Octavio Augusto, Ismael Kadare...
Numantzia, Erroma, katakunbak...
ez nator Erromatik
han milaka batailaren oroitzapenak
baina nik laztanak ditut gogoko
batzuetan zuk emanak
ezen erromatar inperioa jausiz gero
urduritasuna sumatzen da Europan
eta nire herriko hiletetara
joaten den jendartean ere...
batailak Erroman
eta Albania zaharra ez dago urruti
eta hor ere antsietatea ezkon-bidaietan
eta Sorian ahaztuak dira jadanik
erromatarrek 70.000 soldadu behar izan omen zituztela
Numantzia txikia suntsitzeko...
borrokak, odola, historia ustelduak
boteretsuak herio-usainean
eta nik gogoko ditut laztanak
batailaren batek
ihes egitea galarazten digun arte
gozamenaren bideak gudetan agortu arte
igurtziak ur gorrizko aintziretan
zinkurin bihurtu arte
© Mikel Alberdi
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |