A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ITZALAZ
      (2012)

EGUTEGI BERRIA
      (2012)

EZ DAKIT
      (2012)

  literaturaren zubitegia  

 

MAITE DUENAK

        Jose Inazio Lasa , 2012

 

 

Maite duenak

ez du maite

irudiak

irudikatzea.

Irudi orok

lurrinik gabeko koadroan

ez du maite

kiribiltzea,

ez izatearen erresumari

dagozkion kota gisa

hatsanka.

 

Ez du maite

maite duenak

zuhaitz-izerdi zaharra,

borondatezko mirabetzarekin

eginiko lotura isila,

erabilera bakarreko egiaz

zigilaturiko entziklopedia,

aldi bakarreko distira.

 

Maite duenak

badaki

lehiarik gabeko sekuentzia,

hura ernaltzen den sabela,

isiluneak,

isiltasun oro,

isildurikoa,

eta

egia isila.

 

© Jose Inazio Lasa    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko