Egile berarenak:
BIDE EZEZAGUNEAN
(2016)
NIRE PREKARIA KUTTUNA
(2016)
GUTIZIA
(2016)
UMORE BELTZA
(2016)
AMETS BUSTIAK
(2016)
EAU DE PARIS
Ekhine Eizagirre , 2016
Zementura itsasten nau
Paris gris honek.
Ezpain artetik
mingaina hondoratzen
eztarria itotzeraino.
Likatsu itsasten zait
larrura urdinabarra.
Zabor kiratseko
kolonia merkez
bustitzen nau,
arratoi eta katu kakez
igurzten dit aurpegia.
Inolaz ere ezin
lohitasunetik askatu.
Limurtu nahian
inguratzen nau
atzapar luzeez,
plegatu asmoz
urratzen dit azala
azkazal zorrotzez.
Zulo orotarik
jo nahi nau
Paris gris honek,
zulo bakoitza
ahulgune eta alugune
uste izanda.
Zementuzko langarrez
irentsi nahi nau Parisek.
Eta hala nabil egunero
grisetik erauzi beharrez.
© Ekhine Eizagirre
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |